一日24小時，有一半時間在公司，對住無能老闆、勾心鬥角同事、低能下屬、吹毛求疵客戶，精神緊張，脾氣暴躁，工作壓力全都出來，加上不停做啊做，腰痠背痛，連十隻指頭都倔曬。身心受創，以為離開辦公室就無曬？就算回家休息同朋友吹水吃飯睇戲，負面情緒都跟著來。唔想提早退休，要好好保護副偈。
港大中醫藥學院高級教學顧問兼註冊中醫師蘇晶博士，年中睇唔少因工作壓力導致失眠、便秘、精神緊張、婦科病的病人。針對不同病人，她更有不同療方，病人試過都讚。現在，她把方法公諸同好，有些在辦公室做，有些回家才做，話曬工作的負面影響無遠弗屆，想調理好殘軀，要從起身睜開眼開始。
